Mushkilen maan lengi haar

Uth khada hounga apne pair pe, gir gir kar itni baar, ki mushkilen bhi thak kar keh dein maan li hamne haar

Jeevan kabhi ek samaan sa nahin chalta, yeh to samundar ki tarah hai jisme kai baar aate hai chadaav aur utaar

Yeh raah nahin hain asaan, par Rukunga nahin, harunga nahin, thakunga nahin, manunga nahin kabhi haar

Chod do yeh sangharsh ab, chod do yeh maarg, tumhaare liye kuch aur behtar hai, kehten they sab mujhse baar baar

Himmat nahin choddi, nishtha nahin toddi, kabhi rah nahin modi, chahe mili ho kitne hi kasht, ya kitni hi maar

Is jeevan se sab kuch seekha hai, is se hi sab kuch paaya hai, Mujhe naaz hai khud par, is duniya par, aur is jeevan se hai pyaar

Is jeevan ne hi himmat di hai mujhe kehni ki yeh har baar

Uth khada hounga apne pair pe, gir gir kar itni baar, ki mushkilen bhi thak kar keh dein maan li hamne haar

Mukammal jahaan

Har kissi ko Mukammal jahaan nahin milta, Kahin zameen nahi miltee kahin aasmaan nahin मिलता

वक़्त ka paiyaa ghum  chukka hai ab, aaj itnee door hain khade hum dono ki peeche mud ke dekhna ka samay hi nahin milta

Woh saath bitaaye din woh pal aaj bhi hamein yaad aate hain, har ek yaad, har ek pal ek meetha sa dard de jaaten hain, samet loh yeh sab yeh pal phir nahin milta

Kya pata thaa humein, ki jeevan ki raah mein haath tera chut jaayega, alag ho jaayenge hum, alag raah chal padenge, bheed main bhi tanhaa rehte hain, woh saath ab nahin milta

Paisaa, Gaadi, makaan aaj sab kuch mere paas hai, phir bhi kyun ek khaalipan ka ehsaas hai, dhan se sukh praapt to hota hai, par chain phir bhi nahin mlita

Aaj bhi reh reh kar sonchta hun, ki kyun hum bichde, kyun hue judaa.... Kaash yeh waqt ka paiyaa peecha jaa pata,apni ki gai bhool ko sudhar paata, sonchta hun kaash ki, hamaari chahat ka rang phir chadta, kaash ki pyaar ko woh phul phir se khiltaa

Par us bade shaayar ki phir baat yaad aati hai aur dukhi dil ko jhuthe mann se samjhaata hun, sakun to is man ko phir bhi nahin milta

Kya kare, har kissi ko mukammal jahaan nahin miltaa, kahin zameen to kahi aasmaan nahin miltaa

Is darr se kyun tu dartaa hai

Kya hoga jeevan mein aage, yeh sonch kein mann machlaata hai,

Chintit vichalit hota yeh mann, bhavishaya ki sonch men pad jaata hai

Bhoot kaal mera beet gaya, kuch khoya hai, kuch paaya hai

Vartmaan par bhi mera niyantran nahin, jab bhi door ki sonchta jaata hain

Aaj mein jeeyo, aaj hi jeevan hai, kal mein kyun tu martaa hai

Yeh darr bada darpok hai, iss darr se kyun tu dartaa hain ?

Jis maan ki kohk se to jevan paaya, kya tu usko chun paata hai

Bada ho ke paathshaala, vishwavidyaalay jaata hai, jeevan ka saleeka, achche karm seekhta hai,

Is duniya mein badne ki neev wahi pein paata hai, par kya tu hamesha woh paatshaala, vishwavidyaalay chun paata hai

Aage badtaa hai, rozgaar ke koshish mein apnaa karm banaata hai, par woh bhi har baar tu nahin chun paata hai

Aaj mein jeeyo, aaj hi jeevan hai, kal mein kyun tu martaa hai

Yeh darr bada darpok hai, iss darr se kyun tu dartaa hain ?

Itni door ki mat sonch, Ek pal mein yah jeevan badaltaa rehta hai

Jeevan bhar ki chestha, bhavishya ke liye ki gayi har chinta, har prayaas, Insaan ke jaate hi reh jaata hai, aur bhavishya haath maltaa reh jaata hai

Tu toh itna parashrami hai, sachi nishtha se apna karm kartaa hai

Jeevan se ladtaa hua, aage badtaa hua, kabhi jinda, kabhi toda marta hai

Aaj mein jeeyo, aaj hi jeevan hai, kal mein kyun tu martaa hai

Yeh darr bada darpok hai, iss darr se kyun tu dartaa hain

Badi Khushiyon ka intezaar

Zindagi badi khushiyon ke intezaar mein bitaate hain, par aise lamhe to jeevan mein teen chaar he aate hain, chotti chotti khushiyon mein he jeevan ka asli ras hain, inke liye ham kahaan tayaar ho paate hain,

baarish mein chai ki pyaali, doston ke saath kahi har baat, har gaali ,

maa ke saath subah ki sair, bhai ke saath kabhi pyaar, kabhi bair,,,

woh subah uthte hi angdaai, woh patni se mithi ladaai

maa se najar chupaate ghar mein peena sharaab ka ek jaam, aur chotte bhai pe lagaa dena baaki sab ilzaam

bemaani cheezon ke na milne par, bekaraar ho jaate hain, Aage badhne ki bookh, aur is daud mein, kai baar bebas aur lachaar ho jaate hain, chotti khushiyo ko mat bhulo, yeh jeevan ka saar ban jaate hain, chotti chotti khushiyon mein he jeevan ka asli ras hain, par in ke liye hum kahaan tayaar ho paate hain

Zindagi badi khushiyon ke intezaar mein bitaate hain, par aise lamhe to jeevan mein teen chaar he aate hain